Ішек инфекцияларының зертханалық диагностикасы ̶ қоздырғышты, және оның бактерияға қарсы препараттарға сезімталдығын анықтауға бағытталған зерттеулер кешенін қамтиды. Тесттер диагнозды нақтылауға және тезірек қалпына келтіру үшін емдеудің ең оңтайлы нұсқасын таңдауға мүмкіндік береді.
Ішек инфекциясы ̶ әлемдегі ең көп таралған аурулардың бірі.
Ішек инфекцияларының қоздырғыштары: бактериялар (дизентерия, іш сүзегі), токсиндер (ботулизм), сондай-ақ вирустар (энтеровирус, ротавирус) және т.б. болуы мүмкін.
Науқастар мен инфекцияны тасымалдаушылардағы микробтар құсу, зәр, нәжіс арқылы сыртқы ортаға шығарылады. Жедел ішек инфекцияларының қоздырғыштары сыртқы ортада төзімді болып келеді. Олар қолда, ыдыста, ойыншықтарда, тұрмыстық заттарда, топырақта, суда ұзақ уақыт сақталуы мүмкін.
Балалар мен егде жастағы адамдар ішек инфекцияларына сезімтал келеді, өйткені оларда ағзаның табиғи қорғанысы төмендеу болады.
Инкубациялық кезең әдетте 6 сағаттан екі күнге дейін, кейде ұзағырақ болады. Жедел ішек инфекцияларына тән белгілер:
- температураның субфебрильды сандарға дейін және одан жоғары көтерілуі,
- әлсіздік, бас айналу, дененің ауыруы,
- жүрек айну және құсу,
- іштің ауыруы,
- жиі нәжіс - алдымен ботқа тәрізді, содан кейін сұйық,
- дефекация кезіндегі ауырсыну.
Егер уақтылы шаралар қабылданбаса, ауру асқынып, күрделі ауруларға ұласуы әбден мүмкін: ағзаның сусыздануы, инфекциялық-уытты шок, пневмония, жедел бүйрек жеткіліксіздігі. Ішек инфекцияларының салдарын болдырмауға уақтылы зертханалық диагностика көмектеседі.
Ол бірнеше әдістерді қамтиды:
- копрологиялық - асқазан-ішек жолындағы патологиялық процестің локализациясын анықтауға мүмкіндік береді;
- вирусологиялық-вирустық зақымдануға күдік туындаған кезде қолданылады, ИФА қолдануды қажет етеді;
- бактериологиялық - дәл диагноз қоюға мүмкіндік береді, қан, зәр, құсу және нәжісті тексеруді қамтиды;
- серологиялық-қандағы арнайы антиденелерді анықтау үшін.
Әрбір жекелеген жағдайда ішек инфекцияларының зертханалық диагностикасының көлемін дәрігер анықтайды.
ҚР ПІБ МО санитариялық-эпидемиологиялық сараптама орталығының аккредиттелген зертханасы патогенді ішек инфекцияларының тобына (дизентерия, сальмонеллез, шартты-патогенді флора), дисбиозға және антибиотиктерге сезімталдыққа клиникалық-диагностикалық зерттеулер жүргізеді.
Орталықтың білікті мамандары клиникалық-диагностикалық зерттеулерді, классикалық зерттеу әдістерін, сондай-ақ заманауи жабдықтарды пайдалана отырып жүргізеді.
Орталық жіті немесе созылмалы ішек инфекциясына күдік туындаған жағдайда кешенді тексеруден өтуге шақырады.
Мына телефон арқылы 87779222292 қосымша ақпарат пен кеңес алуға болады.
