Қазақстан Республикасы Президенті Іс Басқармасы Медициналық орталығының тапсырмасымен Санитариялық-эпидемиологиялық сараптама орталығы процестерді оңтайландыру мен сапаны басқаруды жетілдіру бойынша белсенді жұмыс жүргізуде. Бүгін СЭЭО-да зертханалар тарапынан инновациялық технологияларды енгізу және дамыту мәселелері талқыланды. Іс-шараға зертханалар басшылары, сапа менеджменті мамандары, әкімшілік және өндірістік-шаруашылық бөлімдерінің өкілдері қатысты.
Кездесуде негізгі назар алдыңғы қатарлы халықаралық тәжірибелерге, атап айтқанда Кайдзен философиясына және оның визуализация, стандарттау, үздіксіз жетілдіру секілді үш негізгі құралына аударылды. Бұл әдістер тұрақты жетілдірулерге, шығындарды қысқартуға және жұмыс тиімділігін арттыруға бағытталған. Санитариялық-химиялық зерттеулер зертханасының санитариялық дәрігері Рустам Әлиасқаров пен маман Айнұр Кенжебаева жұмыс процестерін оңтайландыру және өнімділікті арттыру бойынша ұсыныстар жасады. Әсіресе, визуализацияны қолдана отырып, жұмыс аймақтарын айқындау және қауіпсіздікті арттыру мәселесі ерекше назарға алынды.
Іс-шара барысында енгізуге ұсынылған жеті негізгі жүйелеу құралы талқыланды. Бұл құралдар халықаралық тәжірибені интеграциялауды күшейтуге және қызметкерлердің әлеуетін ашу арқылы ішкі үдерістерді жетілдіруге мүмкіндік береді.
Айта кету керек, Орталық 11 талапқа сәйкес жұмыс істеп, референс-зертхана мәртебесіне ие болды.
