Бүгін ҚР ПІБ МО Санитариялық-эпидемиологиялық сараптама орталығында «Кибергигиена: ақпараттық қауіпсіздік негіздері» тақырыбында семинар-тренинг өтті. Іс-шараға барлық бөлімдердің қызметкерлері, соның ішінде зертхана мамандары да қатысты. Семинарды Орталықтың ақпараттық қауіпсіздік инженері Сұлтан Шахат жүргізді.
Кездесу барысында корпоративтік және жеке деректерді қорғаудың негізгі мәселелері, кибершабуылдардың алдын алу әдістері, цифрлық ресурстарды қауіпсіз пайдаланудың негізгі қағидаттары талқыланды. Электрондық поштамен жұмыс істеу, фишингтік шабуылдардан қорғану және ресми құрылғыларды қауіпсіз пайдалану ережелеріне ерекше назар аударылды.
Семинар Орталық қызметкерлерінің киберқауіпсіздік деңгейін арттырудағы маңызды қадам болды. Қатысушылар киберқауіптер туындаған жағдайда әрекет ету тәсілдері мен практикалық ұсыныстарды қарастырды. Осындай оқыту іс-шаралары Орталықтың ішкі цифрлық қауіпсіздік бағдарламасы аясында жалғасатын болады.
