Санитариялық-эпидемиологиялық сараптама орталығында (Орталық) Мемлекеттік кірістер комитеті, Қазақстан Республиксының қаржылық мониторинг агенттігі, «QazSpirits» алкоголь және құрамында никотині бар өнімдерді өндірушілер мен импорттаушылар қауымдастығы, «Атамекен» ҚР ұлттық кәсіпкерлер палатасы және Қазақстандық стандарттау және метрология институты (Қазстандарт) өкілдерінің кездесуі өтті.
Кездесу барысында – Қазақстандағы алкогольді өнімдердің қолдан жасалуына қарсы күрес жүргізу, заңнамалық шектеулер және нарықтың сапасы мен қауіпсіздігін арттыру жолдары туралы негізгі тақырыптар қамтылды.
Кездесу барысында Орталық мамандары санитариялық-химиялық зертхананың жұмысын және Delta Q изотоптық масс-спектрометрін пайдалана отырып, изотоптық талдау әдісімен таныстырды. Бұл әдіс жасанды өнімдерді анықтауда өзінің тиімділігін дәлелдегенімен, оны кеңінен қолдану үшін заңнамалық бекіту және мемлекеттік бақылау жүйесіне енгізуді талап етеді.
Бұл іс-шара Қазақстандағы алкоголь нарығының қауіпсіздігін қамтамасыз ету және тұтынушыларды сапасыз өнімнен қорғау бойынша маңызды қадам болды. Мемлекеттік органдар мен «Атамекен» ҰКП тарапынан заңнамалық реттеу мәселелерін шешуі ̶ еліміздегі алкоголь нарығының қауіпсіздігін бақылаудың заманауи әдістерін тиімді қолдануға мүмкіндік береді.
