Санитариялық-эпидемиологиялық сараптама орталығында (Орталық) 19-21 ақпан аралығында медициналық зертханалар мамандарына сапаны күшейтудің жаңа талаптары бойынша саминар өтті. Бағдарлама жаңартылған «Медициналық зертханалар. Сапа мен құзыреттілікке қойылатын талаптар» ҚР СТ ISO 15189-2023 стандартына негізделген және қызметкерлердің кәсіби құзыреттілігін арттыруға бағытталған.
Семинарға аса қауіпті бактериялық және вирустық инфекциялар зертханаларының, санитариялық-бактериологиялық зерттеулер мен паразитология зертханасының 21 маманы қатысты. Олар зертханалық менеджментті ұйымдастырудың жаңа тәсілдерін, зерттеу нәтижелерінің нақтылығын қамтамасыз ету қағидаларын және сапаны бақылаудың тиімді әдістерін меңгеруде. Медициналық зертханалардың сынақ орталықтарынан айырмашылықтары және стандарттың тәжірибеде қолданылуына ерекше назар аударылды.
Оқыту интерактивті форматта өтті: Орталық зертханаларының жұмысына тән нақты жағдайлар талқыланды. Қатысушылар тәжірибе алмасып, күрделі жағдайларды талдап, процестерді оңтайландыру жолдарын іздестірді. Семинар барысында әзірленген шешімдер зертханалардың қызметін жетілдіруге және көрсетілетін қызметтердің деңгейін арттыруға ықпал етті.
Мамандардың тұрақты түрде оқу оқып, өзін дамытып отыруы – зертханалық зерттеулердің сапасы мен сенімділігінің кепілі. Орталық қызметкерлердің кәсіби өсуіне, заманауи стандарттарды енгізуге және санитариялық-эпидемиологиялық сараптаманың қауіпсіздігін арттыруға басымдық береді.
