Қазақстан Республикасы Президентінің Іс басқармасы Медициналық орталығының Санитариялық-эпидемиологиялық сараптама орталығында әртүрлі салаларда ғылыми-тәжірибелік зерттеу жұмыстарын бірлесіп жүргізу мақсатында іскерлік кездесуі өтті.
Кездесуге ҚР Денсаулық сақтау министрлігінің Курортология және медициналық оңалту ғылыми-зерттеу институтының, Назарбаев Университетінің, С. Сейфуллин атындағы Қазақ агротехникалық зерттеу университетінің және «Астана медицина университеті» КЕАҚ-ның профессорлары, ғылым докторлары мен зертхана басшылары, жетекші мамандары қатысты.
Орталық халықаралық және ұлттық зертханалармен, ғылыми-зерттеу институттарымен ынтымақтастық жұмыстарды белсенді жүргізіп келеді. Таиландтың Патхумтхани референс-зертханасымен, М. Айқымбаев атындағы аса қауіпті инфекциялар ұлттық ғылыми орталығымен, Қазақстандық стандарттау және метрология институтымен, А.И. Бараев атындағы астық шаруашылығы ғылыми-өндірістік орталығымен және ҒЗИ «Қайта өңдеу және тамақ өнеркәсібі ҚазҒЗИ» ЖШС АФ- ұйымдарымен референстік және ғылыми зерттеулер, ақпарат алмасу, оқу бағдарламаларын әзірлеу саласындағы әріптестік жолға қойылған және Орталық мамандарының қатысуымен алынған патенттер де бар.
