Су – тіршілік көзі. Біздің денеміздің басым бөлігі судан тұрады. Өйткені ол жасушаларға қоректік заттарды жеткізіп, дәрумендер мен микроэлементтерді тасымалдайды, сондай-ақ тыныс алу процесіне тікелей қатысады. Бірақ күнделікті тұтынатын суымыз шынымен пайдалы ма?
Бұл сұраққа жауап беру үшін «Khabar» телеарнасындағы «Оян!» таңғы ақпараттық-танымдық бағдарламасы ҚР ПІБ МО санитариялық-эпидемиологиялық сараптама орталығының маманымен бірге краннан алынған, сүзгіден өткен және бөтелкедегі үш түрлі суды зертханада талдаудан өткізді. Зерттеу барысында маман судың кермектігі, құрғақ қалдығы және сутектік көрсеткіші (pH) сияқты негізгі көрсеткіштерін анықтады. Толығырақ бейнесюжеттен көре аласыздар.
