Орталықта көктемнің ең жарқын мерекесі – 8 наурыз айрықша сән-салтанатпен, жылулық пен шынайы қуанышқа толы көңіл-күймен аталып өтті. Әріптестер нәзік жандарға ерекше құрмет көрсетіп, мерекелік атмосфера сыйлады. Әрбір қызметкерге қызғалдақ гүл шоқтары мен естелік сыйлықтар тарту етілді. . Ал кештің сәнін концерттік бағдарлама, қызықты сайыстар мен жүрекке жылу сыйлайтын видеоролик толықтырды. Бұл күні алғысқа толы ізгі тілектер айтылып, әріптестеріміздің жүзінде шаттық пен қуаныш көрініс тапты.
Мерекенің басты сәттерінің бірі – Орталықтың директоры қызметкерлерді «Құрмет» грамотасымен марапаттады. Сондай-ақ, еңбектері жоғары бағаланған әріптестеріміз «Amanat» партиясының алғыс хаттарына ие болды.
Құрметті арулар, көктемнің шуағы сізге бақыт, қуаныш пен шабыт сыйласын! Әр күндеріңіз мейірім мен сүйіспеншілікке, шаттық пен жарқын сәттерге толы болсын! Мерекелеріңіз құтты болсын!
