Қазақстан Республикасы Президентінің Іс басқармасы Медициналық орталығының Референс-зертханасы онлайн форматта кездесу өткізіп, оған Қазақстан Республикасы Денсаулық сақтау министрлігінің Санитариялық-эпидемиологиялық бақылау комитетінің көлік саласындағы санитариялық-эпидемиологиялық бақылау департаментінің өкілдері мен көлік шешімдері мен компоненттерін жеткізетін — «Stadler Минск» халықаралық компаниясы қатысты.
Кездесу барысында тараптар жолаушылар вагонын өндіру кезінде қауіпсіздік көрсеткіштерін қамтамасыз ету үшін қолданылатын материалдарға қойылатын санитариялық-эпидемиологиялық сараптамадан өту талаптарын талқылады.
Онлайн форматтағы бұл өзара іс-қимыл мемлекеттік органдар мен халықаралық өндірістік компаниялар арасында тұрақты әрі жүйелі диалог орнатуға бағытталған кешенді жұмыстың маңызды бір бөлігі болды. Мұндай әріптестік санитариялық-эпидемиологиялық қауіпсіздікті нығайтуға, сондай-ақ халықаралық стандарттарды ұлттық тәжірибеге үйлесімді енгізуге ықпал етеді.
