Қазақстан Республикасы Президентінің Іс басқармасында Медицина қызметкерлері күніне орай Медициналық орталыққа қарасты ұйымдар қызметкерлерін салтанатты түрде марапаттау рәсімі өтті.
Іс-шара барысында Қазақстан Республикасы Президентінің Іс басқарушысы Асат Нұрпейісов медицина қызметкерлерін кәсіби мерекелерімен құттықтап, денсаулық сақтау саласының дамуына елеулі үлес қосқан мамандарға наградалар табыстады.
Марапатталғандардың қатарында Медициналық орталықтың Санитариялық-эпидемиологиялық сараптама орталығының қызметкері, Дератизация, дезинсекция және дезинфекция бөлімінің лаборант-дезинфекторы Жаулыбаева Гулжан Олжабайқызы да бар.
Гулжан Олжабайқызы Қазақстан Республикасының мемлекеттік қызметшілері мен азаматтарының денсаулығын сақтау саласын дамытуға қосқан зор үлесі және мінсіз адал еңбегі үшін Құрмет грамотасымен марапатталды.
