Фондық гамма-сәулелену деңгейін арнайы жабдықсыз анықтау мүмкін емес. Оның иісі, түсі немесе адам сезе алатын басқа да белгілері болмайды. Сондықтан радиациялық қауіпсіздік тек аспаптық өлшеулер арқылы бағаланады.
Мұндай бақылау мектептерде, балабақшаларда, медициналық және әкімшілік мекемелерде, сауда орталықтарында, өндірістік нысандарда және басқа да объектілерде жүргізіледі.
Мониторингті Қазақстан Республикасы Президенті Іс басқармасы Медициналық орталығының Санитариялық-эпидемиологиялық сараптама орталығы радиология және аспаптық өлшеулер зертханасының мамандары жүргізеді.
2025 жылдың 12 айында 33 974 сынама алынып, 268 835 зерттеу жүргізілді. Зерттеу нәтижелері бойынша гамма-сәулеленудің рұқсат етілген деңгейден асу жағдайлары анықталған жоқ.
Өлшеулер мемлекеттік салыстырып тексеруден өткен арнайы жабдықтардың көмегімен жүргізіледі. Алынған нәтижелер қолданыстағы гигиеналық нормативтермен салыстырылып, қорытынды рәсімделеді.
Жүйелі бақылау радиациялық фондағы ықтимал өзгерістерді дер кезінде анықтауға және адамдар үшін қауіпсіз жағдайдың сақталуын растауға мүмкіндік береді.
Толығырақ KAZNOVOSTI сайтында:
