2026 жылғы 5 тамызда ҚР Президенті Іс басқармасы Медициналық орталығының «Санитариялық-эпидемиологиялық сараптама орталығы» (СЭСО) «Сенімді провайдер ұсынатын біліктілікті тексеру (зертханааралық салыстыру): жақын әрі қолжетімді» тақырыбында екінші халықаралық конференция өткізді.
Іс-шара бір алаңда Қазақстанның провайдерлерін, сынақ және медициналық зертханаларының мамандарын, сондай-ақ халықаралық сарапшыларды біріктірді. Кездесудің негізгі мақсаты зертханалық зерттеулердің сапасы мен нәтижелерінің дұрыстығын қамтамасыз етудің өзекті мәселелерін талқылау, тәжірибе алмасу және заманауи шешімдерді енгізу болды.
Гибридті форматта өткен конференция бүкіл өңір мамандарына зертханалық нәтижелердің дәлдігіне кепілдік беретін құралдарды талқылауға мүмкіндік берді. СЭСО директоры Гаухар Нүсіпбаеваның айтуынша, Орталық сараптамалардың дұрыстығына кепілдік беретін сенімді провайдер ретіндегі қызметін жалғастырып, еліміздегі зертханалық диагностика стандарттарын арттыруға ықпал етуде.
