ҚР Президенті Іс басқармасы Медициналық орталығының «Санитариялық-эпидемиологиялық сараптама орталығы» мамандары «RnR Group» ЖШС өндірістік нысандарына барды.
Жұмыс сапары барысында сүт және нан-тоқаш өнімдерін шығаратын зауыттардың қызметімен танысты. Кәсіпорын өкілдері өндірістің негізгі кезеңдерін көрсетіп, қолданылатын технологиялар, сапа стандарттары және тағам өнімдерінің қауіпсіздігін қамтамасыз ету шаралары туралы айтып берді.
Тараптар өндірістік бақылау мен зертханалық сүйемелдеу мәселелеріне ерекше назар аударды. Кездесу барысында мына бағыттар бойынша зерттеулер талқыланды:
- шикізат пен дайын өнім;
- су және өндірістік беттерден алынатын шайынды үлгілер;
- өндірістік орта нысандары;
- тағам өнімдерінің сапасы мен қауіпсіздігі көрсеткіштері.
Зертханалық зерттеулер өнімнің белгіленген талаптарға сәйкестігін объективті бағалауға, ықтимал қауіптерді уақтылы анықтауға және өндірістік үдерістерді жетілдіру бойынша негізделген шешімдер қабылдауға мүмкіндік береді.
Кездесу аясында СЭСО мен «RnR Group» ЖШС басшылығы алдағы ынтымақтастықтың перспективаларын, сондай-ақ санитариялық-эпидемиологиялық сараптама саласындағы өзара іс-қимылды кеңейту мүмкіндіктерін талқылады.
Мұндай жұмыс сапарлары мамандарға өндірістің ерекшеліктерін тереңірек түсінуге және өнім сапасы мен қауіпсіздігін бақылаудың тиімді жүйесін бірлесіп қалыптастыруға мүмкіндік береді.
СЭСО отандық кәсіпорындармен кәсіби өзара іс-қимылды дамытуды жалғастырып, зертханалық сараптама мен өндірушілердің практикалық тәжірибесін ұштастырады.
